最無聊嘅日子

你知道咁多年嚟最無聊嘅日子係邊一日？唔知道唔緊要，等我為你解答啦！

新聞報道無新聞

1930 年 4 月 18 號，BBC 嘅新聞報道員係電台講：「現在沒有新聞」(There is no news.) ，然後電台就播放咗 15 分鐘嘅鋼琴音樂。

但係喺 2010 年，一位英國劍橋大學嘅電腦科學家 William Tunstall-Pedoe 寫咗一個搜尋引擎（名為 True Knowledge），搵晒 20 世紀以嚟發生過嘅每一件事，之後⋯⋯佢發現 1954 年 4 月 11 號係世界上發生最少事件嘅日子。呢兩日只係有兩個比較大型嘅事件發生：

• 土耳其工程師 Abdullah Atalar 喺當日出世。
• 英國運動員 Jack Shufflebotham 離世。

Tunstall-Pedoe 將呢個結果分享比朋友、屋企人，佢哋嘗試記起嗰日發生咩事，但係都冇乜結果，諗唔到嗰日有咩特別。

無聊不無聊？

但是，William Tunstall-Pedoe 做呢個研究，同時發現咗一個 paradox（自相矛盾嘅地方），就係當你標籤咗 1954 年 4 月 11 號為世上最無聊嘅日子，呢日唔再係世上最無聊嘅日子。

而事實上，Tunstall-Pedoe 嘅 True Knowledge 冇可能搵到咁多年嚟每一個人喺每一日發生咩事；1930 年 4 月 18 號嘅英國人未必知道世界上令一邊發生咩事——Surya Sen 喺印度發起咗吉大港起義 。嗰日無聊與否，係取決於你喺當日見到、聽到，同感受到咩事。

所以，要令自己生活唔無聊，就多啲出去行吓，同埋做下唔同嘅嘢啦！就算只係留意到身邊嘅一啲事物，甚至練琴嘅時候試吓唔同曲風嘅歌，都可以令自己嘅生活增添一點色彩。