新結他

好耶！！！喺啱啱過咗去嘅禮拜一（3 月 3 號），新結他終於送到嚟啦。呢次係學咗 6 年結他以嚟，第一次買一手結他。除此之外，呢支結他係一支⋯⋯「被斬頭」嘅結他。

咩話！？佢被斬頭？

冇錯！😂但係你唔使擔心，佢一啲事都冇。呢支係一支 Headless Guitar。顧名思義，佢係一支冇 Headstock（結他頂部）嘅結他。等我介紹吓佢先：

好啦，如果你唔係彈開電結他嘅話，你可能唔係好知道我講緊咩嘢。我不如講吓我點解會買呢支結他：

原因 1：佢真係好撚輕

大部分電結他都幾重；但係呢支好輕，同木結他差唔多咁。輕對我嚟講最大嘅好處就係：

「我終於可以企喺度彈。」

我舊嗰支 Peavey 真係重到不得了。我上次就係攞嗰支去觀塘海濱 busking，唔夠半個鐘我條腰就開始痛，然之後⋯⋯就真係痛咗成日。嗰日之後，我決定我永遠都唔會企喺度彈結他。

直至我遇上呢支結他，我終於可以喺舞台上面扮型！

（你睇吓我彈得幾開心幾輕鬆，證明我企喺度彈條腰都冇痛！）

原因 2：佢好好彈

呢支結他條頸唔算薄，亦都唔係好厚，對我嚟講好舒服。個 fretboard 對我嚟講都好好撳好好彈。

原因 3：佢好有型

Headless 喎，仲唔型？而且，當你喺黑暗嘅舞台做緊 section：

邊邊嘅螢光點點會點亮你嘅前路！

原因 4：佢好 versatile

呢支結他有一個「alternate switch」，你將佢打開之後，上面兩個 single coil 就會合埋變成一個類似 humbucker 嘅嘢！同一支結他，可以做出 9 隻 tone¹。等我為大家示範晒 9 種 pickup 配置啦：（後面示範亂彈）

不過，呢支結他都唔係完美嘅。🤣首先，如果你喺比較高音嘅線做 Palm Mute，個 Volume Knob 會阻住你隻手，有啲唔方便。其次，我覺得個 pickup 唔係最好，雖然已經好好，但係當我彈壞呢支嘢之後，我會想換個 pickup（又要洗錢💸）。

不過總括嚟講，呢支嘢真係好啱我，尤其是喺健康/人體工學呢方面好滿足到我嘅需求。我覺得一支結他嘅好壞，最大嘅分別就係你彈佢彈得舒唔舒服！

（P.S. 呢支嘢咁 fit 我，我又可以抱住佢，佢又係粉粉紅紅咁，有兩舊嘢俾我調教，有個窿俾我插，令佢用唔同嘅 tone 叫，不如我叫佢做「女朋友」？😆）